Ny  « Alliance Française » any Morondava, dia mikarakara fety ho an’ny rehetra, ny Sabotsy 16 jona  amin ‘ny 4 ora hariva. Maro ireo mpanakanto ao an-toerana sy avy any ivelany hanafana ny lanonana. Ny Alahady 17 Jona  no handray anjara ny tarika Pamanga.

Hanolotra tantara an-tsehatra mitondra ny lohateny hoe : « I Manda » izay notontosain’ ny Associaton Saint Jean Ambohimalaza ny « Ivokolo Cemdlac » ny faha 13 Jona izao ao amin’ ny Cemdlac Analakely manomboka amin’ ny 3 ora tolakandro.

Hanomboka ny Sabotsy izao ny fifantenana amin’ ny fifaninanana hira ao amin’ ny Rta, « The One ». I Mbolatiana, Shyn ary Fidy Rabearisoa no hiatrika  ireo mpifaninana voalohany, ka hisafidy ireo 120 hiatrika ny dingana manaraka.

Hiditra amin’ ny andiany fahavalo ny hetsika « Walking Jazz », izay fanandratana ny talenta vao amin’ ny mozika Jazz. Ao amin’ ny Kudéta Club Carlton ny faha 21 jona ho avy izao no hanatanterahana azy, ka ny tarika Angroov Quartet, izay tarika vao misondrontra no hanamarika izany.